Bir təşkilatın bir neçə filialı olduğu halda bu filialların vahid məlumat ötürülməsi şəbəkəsinə bağlanması məsələsi ortaya çıxır.
Əgər əvvəllər belə problemin öhdəsindən gəlmək üçün bütün filialların mərkəzi ofisə qoşulması məqsədilə adi fiziki xətlərə baha qiymətə alınan modemlər vasitəsilə BRX adlandırılan Birbaşa Rabitə Xətlərinin təşkil edilməsi zərurəti yaranırdısa, hal hazırda biz belə şəbəkələri telefon stansiyalarımızda quraşdırılmış avadanlığlardan istifadə etməklə təşkil edirik.
Belə şəbəkələr Özəl Virtual Şəbəkələr (Virtual Private Networks - VPN) adlandırılmışdır.

Qeyd edək ki, 2009-cu ildən başlayaraq ULTEL -in digər operatorlarla əməkdaşlığının nəticəsində hər hansı şəxsin qoşulma nöqtələrindən biri ULTEL -in xidmət ərazisində, digəri isə Bakı və Azərbaycanın bölgələrində yerləşdiyi təqdirdə də VPN yaradılması mümükün olmuşdur.